• 

Etxeko txikienek oraindik ez dute eskolara bueltatzeko aukerarik, eskolaz kanpoko jarduerak ere bertan behera,… eta beraiek energiaz gainezka! Hori bideratzeko asmoz, Txiki Yogilatesa eskaintzea erabaki dugu. Klasera etortzerik ez dutenez, on line egingo dugu eta beraiek poz pozik egongo dira beraien etxetik mundu magiko batean murgildurik ariketa dibertigarriak eginez.

Zer da Yogilatesa?

Pilates eta Yogaren arteko nahasketari deitzen zaio horrela. Gure kasuan, oso modu naturalean nahastea erabaki dugu. Saioak Pilates metodoan oinarritutako beroketa batekin eta zati nagusi batekin hasiko ditugu eta gero, Yogako postura ezberdinak landuko ditugu. Baina hau, guztiz era ludiko eta dibertigarri batean egingo dugu: istorio magiko baten bidez! Istoriotxo bat kontatuko diegu, pertsonai eta objetu ezberdinak aurkeztuz eta hor egongo dira gure Yogako postura ezberdinak. Liluraturik geratuko dira istorioarekin eta gero, gurasoei kontatuko diete beraiek istorioa, etxean berriro ere praktikatzeko.

Nori zuzenduak daude saioak?

4 eta 9 urte bitarteko haurrentzat zuzenduak dira, baina pixka bat nagusiagoek ere parte har dezakete. Helduak ere ongi etorriak dira, baina beti ere, txikien mundua errespetatu eta euren erritmora egokitzeko gai badira! Haurrak izango baitira saio hauetako errege-erreginak!!!

Noiz izango dira saioak eta zenbat balio dute?

Ostegun goizetan egingo ditugu saioak, goizeko 10.45etan hasi eta 11.30ak arte. Hasiera batean euskaraz izango dira, baina gaztelerazko talderen bat sortzeko aukera ere egongo da, horrela nahi izatekotan. Hilabeteko kuota, 15€koa izango da.

Zer behar dut saioak egiteko?

Saioak Zoom plataformaren bidez egingo ditugu eta horretarako guk pasako dizuegu gonbidapena. Material aldetik, hasiera batean ez dugu ezer berezirik behar, koltxoneta edo alfonbra gainean egin daitezke saioak eta egunen batean materialen bat erabiltzekotan, hau, etxean aurki dezakegun zeozer izango da eta aldez aurretik esango dizuegu, lortzeko denbora izan dezazuen.

Apuntatu nahi baldin baduzu, edo zalantzaren bat argitzea nahi baduzu, jarri zaitez gurekin harremanetan.

10 egun pasa dira iada egoera berezi honetan Akileseko ateak berriro ere ireki genituenetik eta esperientzia positibotzat jo dezakegu. Harrera ona izan dugu, gugan konfidantza osoa duzuela erakutsi diguzue, zuen esker ona jaso dugu eta iadanik ia talde osoa bueltan da.

Badakigu maskara bat jarrita tratatua izatea ez dela atsegina (horrela lan egitea ere ez, baina ohituko gara). Batzuek hori kendu nahiko zenukete, desorosoa delako eta gurekin seguru sentitzen zaretenaren seinale. Baina bihotzez eskertzen dizuegu ipinita mantentzea: zuengatik, gugatik eta gizarte osoarengatik. Pandemia honekin dugun borroka hau, denon artean borrokatuz irabaziko dugu eta gure artean ez kutsatzea da gure “armarik” garrantzitsuena.

Egun hauetan etorri zaretenok ezagutzen duzue protokoloa. Denon segurtasuna bermatzeko asmoz sortua, baina aldi berean, seguru senti zaitezten eta etortzeari beldurra kendu diezaiozuen. Eta zuengandik jasotako hitzek (eta ekintzek. Eskerrik asko!!!) gauzak ondo egiten ari garela erakusten digute.

Horregatik, esker hitzak besterik ez ditugu zuontzako. ESKERRIK ASKO BIHOTZ-BIHOTZEZ, beste behin ere gugan eskainitako konfidantzagatik, zuen hitz goxoengatik eta animo beroengatik.

Ta bukatzeko, gauza bat eskatu nahiko genizueke: gugan bezala, saltoki txikietan ere konfidantza izan dezazuen eskatu nahi dizuegu. Egoera gogorra da gizarte guztiarentzat, baina bereziki gogorra lehendik ere oso ondo ez zebilen herri/auzoko saltoki eta tabernentzat. Gauza guztietatik ikasten da zeozer eta egoera txarretatik, asko. Saia gaitezen zein mundu eraiki eta nolako herri edo hirietan bizi nahi dugun amesten eta gure ekintzen bidez, eraikitzen. MILA ESKER DANORI TA OSASUNA GUZTIONTZAT!!!

Aurrekoan esan genizuen bezala, garai berrietara egokitu beharra daukagu. Bizi dugun egoera berezi honek, ez digu orain arteko Pilateseko saioekin jarraitzea ahalbidetzen. Horregatik, hemendik aurrera on line formatuan eskaintzea erabaki dugu.

Saioak, zuzeneko formatuan egingo dira interneteko plataforma baten bitartez. Pixkanaka-pixkanaka hasiko gara, talde gutxirekin hasiera batean, dena ondo antolatzeko asmoz. Horretarako, aste honetan dohaineko bi saio eskainiko dizkizuegu: asteazkenean goizeko 11:30etan lehena eta bestea, ostegunean, arratsaldeko 18:45etan.

Bi saio hauek dohain izango dira, formatua gustoko duzuen ikus dezazuen. Baina hauek ikusi ahal izateko gonbidapen bat jaso behar duzue gure aldetik, beraz, interesaturik bazaude, mesedez, jar zaitez gurekin harremanetan. Datorren astetik aurrera, saioak ordaindu egin beharko dira. Hilabeteko kuota 30€koa izango da.

Saioa, Akiles taldea osatzen duen fisioterapeutetariko batek emango du, orain arte bezala eta hauen dinamika, orain arte Akilesen eskaintzen genizuena bezalakoa izango da: norbanako tratua, Pilates metodoan formakuntza duen fisioterapeuta batek emandako saioa, bere ezagutzen bidez ariketak moldatu edo aldatzeko gai dena, talde txikiak, zuzeneko saioak,…

Zuen Akiles taldea izaten jarraitu nahi dugu, baina oraingo honetan, zuen etxetik.

Aurreko egunean esan genizuen bezala, biharko lanerako buelta pixka bat desberdina izango da. COVID-19aren aurrean, protokolo berezi bat egin dugu, gaixotasuna hedatzea ekiditzeko asmoz eta paziente eta langileen arteko harremana arriskurik gabekoa izan dadin. Ondoren, Akilesera etorri aurretik jakin behar duzuena azalduko dizuegu.

AKILESera JOAN NAHI DUT, ZELAN HARTU DEZAKET HITZORDUA?

Betiko bideen bitartez egin dezakezue: 944 02 99 81 telefonora deituz, Whatsapp bidez 677 39 94 89 zenbakian, edota e-posta bidez, akiles@akilesfisioterapeutas.com helbidean. Gogora ezazue ez duzuela Akilesera etorri behar aldez aurretik ordurik hartu ez baduzue.

PUNTUALTASUNAREN GARRANTZIA

Beste paziente batzuekin topo ez egiteko, puntualtasuna errespetatzea oso garrantzitsua da. Gure ordutegiak aldatu ditugu eta fisio bakoitzak ordutegi ezberdin bat izango du, sarreran zein irteeran beste paziente eta fisioterapeuta batzuekin topo egin ez dezazuen.

ZER EGIN BEHAR DUT IRISTERAKOAN?

Bakarrik etorri behar duzue. Tratamendua jasoko duena adin txikikoa edo dependientea baldin bada soilik etor daiteke beste pertsona bat berarekin. Zuen maskara ipinita izan beharko duzue eta sartzerakoan, eskuak garbitzeko gel desinfektatzailea esakiniko dizuegu.

LANGILEON BABES NEURRIAK

Munduko Osasun Erakundearen, Euskadiko Fisioterapeuten Elkargo Ofizialaren eta Eusko Jaurlaritzaren irizpideak jarraituz protokolo bat ezarri dugu eta Akilesen arreta esakiniko dizuegun langileok formakuntza berezia jaso dugu azken asteotan.

Arreta seguru bat izan dezazuen beharrezko babes tresnak erabiliko ditugu eta hauek desinfektatu edo aldatu egingo ditugu kontaktua izan ondoren.

IRIZPIDE BEREZIAK

Saiatu belarritako, eskumuturreko eta lepokorik gabe etortzen eta ahal dela, poltsak eta beharrezkoak ez dituzuen gauzak ez ekarri.

Mesedez, gelara sartzeko ordua arte ez zaitezte klinikatik ibili, gainontzeko fisio eta pazienteekin harremana ekidituz eta norbaitekin topatzekotan, beharrezko distantzia mantendu.

Kreditu txartelaren bidezko ordainketa gomendatzen dizuegu.

ONDORENGO KASUETAN, EZ ETORRI

Hitzordua eskatzen duzuenean galdera batzuek egingo dizkizuegu eta koronabirusa izan dezakezuelako zantzua izatekotan, ez etortzeko eskatuko dizuegu. Hala ere, hitzordua eskatu eta etortzeko momentuaren artean ondorengo sintomen artean baten bat agertu ezkero, DEITU ETA EZ ETORRI: 37,5ºC baino gehiagoko sukarra, eztula, eztarriko mina, mukiak, nekea, buruko mina, giharretako mina, hipogeusia, anosmia, diarrea edota ondoez orokorra. Zalantzarik izatekotan, dei egiguzue etorri aurretik.

Bai, horrela da, maiatzaren 4ean bueltatuko gara. Azekenean, ia 2 hilabeteko itxialdiaren ostean, Akileseko ateak berriro ere zabalduko ditugula esateko etorri gara. Egun gogorrak izan dira. Etxean egotekoak, ezjakintasunaren aurrean urduri egotekoak,…. baina aldi berean, asko pentsatzeko aukera izan dugu, arnasa hartu, erabakiak hartu eta berritu! Pixkanaka pixkanaka kontatuko dizkizuegu berriak.

DENA LEHEN BEZALAKOA IZANGO DA?

Ez. Oraindik ezin dugu esan gauzak normaltasunera bueltatu direnik eta horregatik aldaketak nabarituko dituzue. Baina gauzak ahalik eta antzekoen izan daitezen ahaleginduko gara, gu bisitatzera etortzen zaretenean eroso, lasai eta seguru sentitu zaitezten. Horretarako, protokolo bereziak sortu ditugu eta egun hauetan zehar, COVID-19 gaixotasunaren aurrean zelan lan egin jakiteko ikasketak burutu ditugu.

NOLAKOA IZANGO DA AKILESERA BUELTA?

Astelehenean Mónica eta Olatz bueltatuko dira bakarrik. Taldearen gainontzeko partaideak apurka apurka bueltatuko dira, baina oraindik ere legedi aldetik dagoen ziurgabetasuna dela eta, ez gara gai besteak noiz bueltatuko diren ziurtatzeko. Horregatik, Mónica edo Olatzekin ordua hartu nahi duzuenok, edo urgentziaren bat izanik guk tratatzerik badugu, jar zaitezte harremanetan gurekin whatsapp bidez Akileseko telefonoan (677 39 94 89) edo astelehenetik aurrera 944 02 99 81 telefonoan ere.

Taldeko beste fisioren batek tratatzea nahi baldin baduzue, mesedez, astelehera arte itxarotea eskatzen dizuegu, telefonoa ez blokeatu eta lehenengo egunetarako hitzordua nahi dutenei harreta eman ahal izateko.

ZEIN ORDUTEGI IZANGO DUGU?

Astelehenean goizez irekiko dugu eta ordutegia zabalduz joango gara, beharren arabera eta gainontzeko fisioterapeutak etortzen diren heinean. Taldearen osotasuna lehen bait lehen izateko lanean gabiltza (aste honen bukaera aldera edo hurrengoaren hasiera aldera izatea gustatuko litzaiguke), baina oraindik ezin dugu ezer ziurtatu. Hala ere, ordutegi aldetik behar berezirik baldin badaukazue, jar zaitezte gurekin harremanetan eta konponbidea bilatuko dugu.

TALDEKAKO SAIOETARA JOAN GAITEZKE?

Oraindik legeak ez du uzten toki itxietan taldekako saiorik egiten. Streaming saioak egin ahal izateko lanean ari gara. Hurrengo egunetan informazio gehiago eskaini ahal izango dizuegu. Saio hauetara etortzen ari zinetenekin harremanetan jarriko gara datorren astetik aurrera, ze aukera dauzkagun azaltzeko.

Hurrengo egunetan komunikazio gehiago eskainiko dizkizuegu gure berriekin. Bitartean, gure sare sozialetatik pasa eta zertan gabiltzan ikusteko gonbitea egiten dizuegu: Facebook eta Instagram dauzkazue gauza interesgarri askorekin eta YouTubeko kanal berrian ariketa ezberdinak egiteko bideoak.

Eskerrik asko egun hauetan helarazi dizkiguzuen animoengatik. Oso maitatuak sentitu gara eta zuengandik gertuago. Edozein zalantza izatekotan, jarri zaitezte gurekin harremanetan, zuen zalantzak argitu eta zuek ikusteko irrikitan gaude!!! Besarkada bero bat eta animo, gutxiago geratzen da eta!!!

 

Itxialdi honek luzera egingo duela ikusita, zuekin harremanetan jarraitu ahal izateko, kanal berri bat sortu dugu YouTuben. Bertan, pixkanaka pixkanaka ariketak, luzaketak, etb. ipiniko dizkizuegu.

Hemen uzten dizuegu aste honetako luzaketen bideoaren esteka:

Espero dugu zuen gustukoa izatea!

 

#nietxeangeratzennaiz #luzaketak #fisioterapia

Akiles Fisioterapeutasetik jakinarazi nahi dizuegu, Gobernuak ezarritako alarma egoera dela eta, neurri bereziak hartu behar ditugula covid-19 birusaren hedapena ekiditeko. Hori kontutan izanik eta arduratsuak izan asmoz, DENBORALDI BATEZ AKILES IXTEA erabaki dugu. Egoera berezia da egun hauetan bizitzen ari garena eta erantzukizun soziala kontutan izanik, erabaki hau hartu behar izan dugu Akilesera etortzen zaretenon eta langileon osasuna zaintzeko asmoz.

 

Aukera hau aprobetxatu nahi dugu guztiok jarrera arduratsu bat izan dezagun adierazteko, arriskutsuak izan daitezkeen egoerak (auto edo kirol istripuak adibidez) ekiditzeko eskatuz. Momentu hauetan mediku eta larrialdi zerbitzuak izugarrizko lana burutzen ari dira eta ez ditugu ospitaleak bete behar saihestu daitezkeen egoerekin.

 

Zuen osasunari dagokionez, jarduera fisikoaren eta mugimenduaren garrantzia gogoratu nahi dizuegu. Etxetik atera gabe ariketa asko egin ditzakegu (gurekin Pilates, hipopresibo edo Core-ko saioetara etortzen zaretenok, asko ezagutzen dituzue). Mesedez, saia zaitezte sofa ahalik eta gehien ekidin eta egunero jarduera fisikoa egiteko tartetxo bat egiten.

 

Sare sozialen bitartez berriak argitaratuko ditugu. Espero dugu, denen onerako, normaltasunera ahalik eta arinen bueltatzea. Eskerrik asko zuen harretarengatik eta besarkada bero bat Akiles osatzen dugun talde osoaren aldetik.

 

#nietxeangeratzennaiz

 

Akilesen munduko talderik hoberena daukagu eta egunero egunero erakusten diguzue: zuen lanarekin, pazienteak hain goxo eta modu profesionalean tratatuz, proiektu honetan duzuen konfidantzagatik, zuen barre, algara eta besarkaden bitartez,… Horrexegatik, behin eta berriro esan nahi dizuegu: ESKERRIK ASKO!!!! Zuek gabe, hau ez litzateke posible izango.

 

Esker gisa, eta oso bereziak zaretelako, aurtengo gabon afaria ospatzeko momentuan, zeozer ezberdina egin nahi izan dugu eta hori antolatzeko, beti bezala, PUNTO UNO BILBAOrekin harremanetan jarri gara. Beraien lana ere ikaragarria izaten da beti eta oraingoan, afari bat baino gehiago antolatu digute: Kitxen Bilbaon gastroesperientzia benetan zoragarria.

 

Mila esker Iván afari zoragarri hau egiteagatik (eta gu aguantatzeagatik) eta mila mila esker Nekane esperientzia eder hau antolatzeagatik.

Orain, gabonetako ospakizunen bigarren zatiaren zain geratuko gara denok. Zer egongo da aurtengo kutxetan?

 

 

Ikasturte hasieran izandako arrakasta dela eta, talde berriak sortuko ditugu datorren astetik Aurrera. Oraingoan, hipopresibo talde berriak aterako ditugu. Hauetako batzuetara haur jaio berriekin etortzeko aukera ere izango duzuelarik.

Aldi berean, COREko klaseetan ere lekutxoren bat libre dugula gogorarazi nahi dizuegu.

Eskainitako saioetarikoren batean interesaturik baldin bazaude, jar zaitez gurekin harremanetan,